इक्वेडरमा शरण माग्दै विकिलिक्सका संस्थापक असाञ्ज

लिम्वूवान डट व्लगस्पोट डटकम,काठमाडौं 

विकिलिक्सका संस्थापक जुलियन असाञ्जले इक्वेडर समक्ष शरण मागरेका छन् । केही वर्ष अघि अमेरिकाका विदेश नियोगका सम्पूर्ण गोप्य दस्तावेज सार्वजनिक गरेर चर्चामा आएका विकिलिक्सका संस्थापक असाञ्जले इक्वेडर समक्ष शरण मागेका हुन । बेलायती एक अदालतको आदेशपछि लण्डनस्थित इक्वेडर दूताबासमा बस्दै आएका जुयियनले इक्वेर सरकारसमक्ष शरणका लागि निवेदन दिएका हुन । जुलियनको निवेदनका विषयमा इक्वेडर सरकारले विचार गरिरहेको इक्वेडरको विदेश मन्त्रालयले बताएको छ । बेलायतको अदातले जुलियनलाई स्वीडेन फर्कन आदेश दिएको भए पनि उनीमाथी स्वीडेनमा लागेको यौन अपराधको मुद्धाका कारण उनी स्वीडेन जान चाहेका छैनन् । उनले उक्त यौन मुद्धाको निरन्तर इन्कार गर्दै आएका छन् । उनी सोही मुद्धाका कारण अमेरिका पुग्न सक्ने अनुमान समेत कतिपय विश्लेषकले लगाउँदै आएका छन् । अमेरिकाको विदेश दुतावासका महत्वपूर्ण र गोप्य दस्तावेज विकिलिक्स मार्फत सार्वजनिक भएपछि असाञ्ज प्रति अमेरिका रुष्ट रहेको छ । बेलायती अदालतको आदेश अनुसार स्वीडेन गए उनलाई त्यहाँबाट अमेरिका सुपुर्दगी गरिने र अमेरिकी कानुन अनुसार मुद्धा चलाईने डरका कारण उनी स्वीडेन जान नचाहेर इक्वेडर समक्ष शरण मागिरहेका छन् ।