भारतको राष्ट्रपति निर्वाचनमा प्रणव मुखर्जी एक्लो उमेद्वार

लिम्वूवान डट व्लगस्पोट डटकम,काठमाडौं 

भारतमा हुने अगामी राष्ट्रपति निर्वाचको लागि अर्थमन्त्री प्रणव मुखर्जी एक्लो उम्मेद्वार बनेका छन् । भारतका पूर्व राष्ट्रपति एपीजे अब्दुल कलामले राष्ट्रपतीय निर्वाचनमा आफू सहभागि नहुने बताएपछि मुखर्जी एक्लो उमेद्वार बनेका हुन । कलामले १९ जुलाई २०१२ मा हुने राष्ट्रपतीय निर्वाचनमा प्रतिस्पर्धी नरहने बताएका छन् । भारतका केही राजनीतिक दलले कलामलाई राष्ट्रपति पदको उमेद्वारका रुपमा हेर्न चाहेको भए पनि आफूलाई राष्ट्रपति पदको कार्यकालमा बस्ने इच्छा नभएको उल्लेख गरेका हुन । कलामले विज्ञप्ति मार्फत भनेका छन् ‘उहाँहरुको चाहनाको कदर गर्दै मलाई विश्वास गर्नु भएकोमा धन्यवाद दिन चाहन्छु।’ कलाम यसअघि २००२ देखि २००७ सम्म भारतको राष्ट्रपतिको जिम्मेवारी लिइ सकेका अनुभवी राजनीतिज्ञ मानिन्छन् ।