इराकको पूर्वशासक सद्धामका सहयोगीलाई मृत्युदण्ड

लिम्वूवान डट व्लगस्पोट डटकम,काठमाडौं 

बगदाद - इराकले पूर्वशासक सद्धाम हुसेनका सचिव तथा प्रमुख सुरक्षाकर्मी अबिद हमिद महमुदलाई मृत्युदण्ड सजाय दिएको छ । इराकको न्याय मन्त्रालयका प्रवक्ता हैदर अल सादीले अबिदलाई फाँसी दिइएको बताएका थिए । मन्त्रालयले हत्या गरेको अपराधमा दिइएको निर्णय कार्यान्वय गरेको हो । सन् २००३ मा अमेरिकाले गरेको आक्रमणमा अबिदलाई चौथो स्थानको लक्ष्यको रुपमा लिइएको थियो । पूर्वराष्ट्रपति सद्धाम तथा उनका दुई छोरा उदय तथा कुसेपछिको स्थानमा उनको नाम आउँथ्यो । अबिदलाई सन् २००३ को जुन १६ मा पक्राउ गरिएको थियो र सन् २०१०को अक्टोबर २६ मा उनलाई मृत्युदण्डको सजाय सुनाइएको थियो । सिया मुसलमान धार्मिक समूहमाथि सन् १९८० मा गरेको दमनका लागि उक्त निर्णय सुनाइएको हो । सद्धामलाई सन् २००६ को डिसेम्बर ३० मा मृत्युदण्ड दिइएको थियो । सद्धाम हुसेनले अबिदलाईसँगै लिएर हिँड्थे । अबिदले सद्धामका आदेश सुनाउने गर्थे ।