भारतमा दोहोरो भिडन्तमा परी १७ माओवादी मारिए

लिम्वूवान डट व्लगस्पोट डटकम,काठमाडौं 

भारतमा आज भएको माओवादी र सुरक्षाकर्मीबीचको भिडन्तमा परी १७ जना माओवादीको मृत्यु भएको छ । मध्य भारतको छत्तीसगढ प्रदेशमा भएको सो दोहोरो भिडन्तमा कम्तिमा पनि १७ माओावदी मारिएको सुरक्षा फौजले जनाएको छ । छत्तीसगढ प्रदेशको राजधानी राइपुरबाट करिब २९५ किलोमीटर पश्चिममा पर्ने बस्तार क्षेत्रमा रहेको निकै घना जङ्गलमा भारतीय प्रहरीसँग माओवादी सशस्त्र लडाकुको भिडन्त भएको भारतीय सञ्चारमाध्यमहरुले जनाएका छन् । भिडन्तमा सुरक्षाफौजतर्फ के कतिको ज्यान गएको भन्ने उल्लेख नगरिएपनि ६ जना सुरक्षाकर्मी घाइते भएको बताइएको छ । गत महिना सोही क्षेत्रमा माओवादीले सो प्रदेशका छ जना प्रहरी अधिकारीको विद्युतीय धरापमा पारी हत्या गरेका थिए ।