अश्लिल भिडियो तथा सिडी बिक्री गर्ने ६ जनालाई पक्राउ

लिम्वूवान डट व्लगस्पोट डटकम,काठमाडौं

पोखरा, चैत ३० - प्रहरीले पोखराको विभिन्न स्थानका म्यूजिक पसलहरुमा छापा मारी अश्लिल भिडियो तथा सिडी बिक्री गर्ने ६ जनालाई पक्राउ गरेको छ। अश्लिल भिडियोका सिडी बिक्री गरी समाजमा विसंगति फैलाएको आरोपमा प्रहरीले पोखरा–९ महेन्द्रपुलबाट भारतीय नागरिक सुवोध यादव, सञ्जुक कुमार शाह र काठमाडौं किर्तिपुर घर भई पोखरा–१३ बस्ने राजकुमार लामालाई पक्राउ गरेको हो।उनीहरुले महेन्द्रपुल र पृथ्वीचोकका सडक पेटीमा बसी ठेलामा राखेर अश्लिल सिडीहरु बिक्री गर्दै आएका थिए। यस्तै पोखरा–६ का ५१ वर्षिय नन्द श्रेष्ठलाई पनि लेकसाईडबाट अश्लिल सिडी तथा भिसिडी ३६ थान सहित पक्राउ गरिएको कास्की प्रहरीका प्रवक्ता एवं प्रहरी निरीक्षक विश्वराज अधिकारीले जानकारी दिए। यस्तै लेकसाईडकै मिलेनियम बुक्स एण्ड सेन्टरका समिर भट्टराईलाई ८ थान र सिजन अडियो एण्ड भिडियो पसलका मदन थापालाई १९ अश्लिल सिडी र भिसिडी सहित पक्राउ गरिएको उनले बताए। उनकाअनुसार उनीहरुलाई कानूनी कारवाहीको प्रक्रिया अघि बढाइएको छ।