पोलिश राष्ट्रपतिको शव राजधानी वार्सामा

लिम्वूवान डट व्लगस्पोट डटकम,काठमाडौं

शनिबार भएको एउटा हवाई दुर्घटनामा ज्यान गुमाएका पोल्याण्डका राष्ट्रपति लेख काजिन्स्किको शव आइतबार पोल्याण्डको राजधानी वार्सा ल्याइएको छ। उक्त दुर्घटनामा जहाजमा रहेका ९६ जना सबैको ज्यान गएको थियो। विमानस्थलमा उनको शव लिन उनका भाइ तथा पूर्व प्रधानमन्त्री ज्यारोस्ल काजिन्स्कि र वर्तमान प्रधानमन्त्री डोनाल्ड टस्क र कार्यवाहक राष्ट्रपति ब्रोनिस्ल कोमोरोस्की पुगेका थिए। रातो र सेतो रंगको पोलिश झण्डा ओढाइएको उनको शव राखिएको बाकसलाई सैनिकहरुले बोकेका थिए र पादरीहरुले पार्थना गरेका थिए।