भेरी अञ्चल अस्पतालमा लापरवाही, सुत्केरीको गुप्तांग पूरै सिलाइयो

लिम्वूवान डट व्लगस्पोट डटकम,काठमाडौं

भेरी अञ्चल अस्पतालका चिकित्सकले पुस १९ गते सामान्य रुपमा सुत्केरी भएकी एक युवतीको गुप्तांग पूरै सिलाइदिएछन् । पिसाब फेर्नसमेत असजिलो भएपछि उनलाई कोहलपुरको जीवनज्योति मेडिकल हल पुर्याउँदा त्यहाँका चिकित्सकले पूरै योनि सिलाइएको बताएका थिए । १७ वर्षकै उमेरमा सुत्केरी भएकीले योनि केहि च्यातिएको भन्दै उक्त महिलालाई स्वास्थ्यकर्मीले टाँका लागाइदिएका थिए । पिसाबमात्र गर्न मिल्ने गरी टाँका लागाइएको तर पिसाब फेर्न समेत असजिलो भएपछि अस्पताल जाँदा सञ्चो हुन समय लाग्ने भन्दै घर फर्काइदिएको उनका पतिले भनेका छन् । झन् अप्ठ्यारो भएपछि मेडिकल जाँदा त्यहाँको स्वास्थ्यकर्मीले उनलाई पुनः शल्यक्रिया गर्न भेरी अञ्चल अस्पताल पठाइदिएका हुन् । उक्त अस्पतालले आफ्नो गल्ती स्वीकार गर्दै निःशुल्क शल्यक्रिया गरिदिने भएको छ । अन्जानवश यस्तो घटना हुने अस्पताल प्रमुख डा.नरेन्द्र कुमार रायले बताएका छन् । तर लापरबाही गर्ने चिकित्सकलाई कारबाही र पीडितलाई क्षतिपूर्तिको माग युवतीको परिवारले गरेको छ । उक्त युवती शल्यक्रिया गर्न बुधबार अस्पताल भर्ना भएकी छिन् ।