हतियार तथा गोलीसहित चारजना पक्राउ

लिम्वूवान डट व्लगस्पोट डटकम,काठमाडौं
०४ अप्रिल,२०१०,अवैध हतियार तथा गोलीसहित बारा जिल्लाको फेटा गाविसबाट सशस्त्र प्रहरी बल एपीएफ टोलीले चार जनालाई पक्राउ गरेको छ । पक्राउ पर्नेहरुमा सो गाविसको विनाबलियामोड बस्ने हरि मुखिया, प्रकाश मुखिया, शिव मुखिया र रामएकवाल मुखिया रहेका छन् । एपीएफ टोलीले उनीहरुको साथबाट कटुवा पेस्तोल एकथान, १२ बोर बन्दुक एकथान र पाँच राउण्ड गोली बरामद गरेको छ ।सशस्त्र प्रहरी बल सीमा सुरक्षा कार्यालय बाराबाट सशस्त्र प्रहरी निरीक्षक गौतमराज कुवँरको कमाण्डमा खटिएको एपीएफ टोली र स्थानीय प्रहरीले उनीहरुलाई अवैध हतियार तथा गोलीसहित राति करीव साँढे एकवजे पक्राउ गरेको थियो । पक्राउ परेकाहरुलाई उक्त हातहतियारसहितै एपीएफ टोलीले आवश्यक कारवाहीको लागि स्थानीय प्रहरीलाई बुझाएको छ ।