बस दुर्घटनामा सात जनाको मृत्यु, २१ घाइते

लिम्वूवान डट व्लगस्पोट डटकम,काठमाडौं
११ अप्रिल,२०१०,पूर्व पश्चिम लोकमार्ग अन्तर्गत मकवानपुरको मनहरीमा आज बिहान यात्रुवाहक बस दुर्घटना हुँदा सात जनाको मृत्यु भएको छ । दुर्घटनामा अन्य २१ जना घाइते भएका छन् । प्राप्त समाचार अनुसार पश्चिमबाट सिन्धुलीतर्फ जाँदै गरेको बा२ख ३३४८ नम्बरको यात्रुबाहक बस मनहरी–७ चौध माइलमा रोकिराखेको ट्रकसँग ठोक्किएर दुर्घटना भएको थियो । दुर्घटनामा ६ जनाको घटनास्थलमा नै र अन्य एक जनाको उपचारको क्रममा भरतपुर अस्पतालमा मृत्यु भएको प्रहरीले जनाएको छ । घाइतेमध्ये १२ जनाको अवस्था चिन्ताजनक रहेको प्रहरीले जनाएको छ । घाइतेहरुको भरतपुरमा उपचार भईरहेको छ ।