डिएसपी बढुवाको बिरोधमा माओवादीले गर्‍यो संसद बहिष्कार

लिम्वूवान डट व्लगस्पोट डटकम,काठमाडौं
०७ जनवरी, २०१०,बानेश्वरमा भएको आन्दोलनमा घाइते भएका डिएसपी दिलिप चौधरीलाई बढुवा गरिएको भन्दै माओवादीले आजको व्यवस्थापिका संसदको बैठक बहिष्कार गरेको छ । आज अपरान्ह ३ बजे संविधानसभा भवन नयाँ बानेश्वरमा भएको बैठकको शुन्य समयमा बोल्दै माओवादी सभाषद् अमिक शेरचनले बोलेपछि संसद बहिष्कार गरेको थियो । सरकारले माओबादी कार्यकर्ताको आक्रमणमा परेर सख्त घाईते चौधरीको बढुवा गर्ने निर्णय गरेलगत्तै माओबादीले त्यसको बिरोध गरेको हो । शुन्य समयमा बोल्दै सभाषाद् शेरचनले माओवादीको तीनदिने आमहड्तालका क्रममा माओवादी आन्दोलन दबाउने डीएसपी दिलीप चैधरीलाई बढुवा गरेर सरकारले आन्दोलनको खिल्ली उडाएको आरोप लगाए । माओबादी बहिस्कारका कारण आजको बैठक नियमित कार्यसूचिमा प्रवेस नै नगरी स्थगीत भएको छ ।बैठक आगामी पौष २७ गते बस्ने जनाइएको छ ।