उपत्यका बन्दले उपत्यकाको जनजीवन प्रभावित

लिम्वूवान डट व्लगस्पोट डटकम,काठमाडौं

वाइसिएलले आफन्तको हत्या गरेको विरोधमा राजधानीका स्युचाटारका स्थानीयवासीले आहृवान गरेको उपत्यका बन्दले उपत्यकाको जनजीवन आज बिहीबार बिहानैदेखि प्रभावित भएको छ । बिहौदेखि हत्याको विरोधमा मृतकका आफन्तहरुले कलंकी, लगनखेल, चाबहिल, मित्रपार्क, सोह्रखुट्टे लगायतका स्थानमा प्रदर्शन गरिरहेका छन् ।प्रदर्शनका कारण काठमाडौं, ललितपुर र भक्तपुर तीनै जिल्लामा यातायात साविक अनुसार चल्न सकेको उपत्यका ट्राफिक प्रहरीले जनाएको छ । कलंकीमा टायर बालेर प्रदर्शन थालेका कारण बिहानैदेखि राजधानी बाहिर र राजधानी भित्रने सवारी साधन चल्न सकेका छैनन् । प्रदर्शनकारीहरुले माओवादीले हत्याको जिम्मा लिनुपर्ने, घटनामा संलग्न वाइसिएलले माफी माग्नुपर्ने तथा मृतकका परिवारलाई क्षतिपूर्ति दिनुपर्ने माग राखेका छन् । गत कात्तिक ४ गते धादिङको मलेखुबाट वाइसिएलको अपहरणमा परेका काठमाडौं स्युचाटारका निर्मल पन्त र पुष्कर डंगोलको शव अस्ति साँझ धादिङको पीडा गाविस-३ खरिया खोलामा फेला परेको थियो ।