माओवादीको राजनीतिक प्रतिवेदनमाथि २१ वटा समूहमा छलफल

लिम्वूवान डट व्लगस्पोट डटकम,काठमाडौं

सत्तारुढ प्रमुख घटक नेकपा माओवादीको राष्ट्रिय भेलाको तेस्रो दिन आइतबार केन्द्रीय कमिटीका तर्फबाट प्रस्तुत राजनीतिक प्रतिवेदनमाथि समूहगत छलफल सकिएको छ । भेलामा प्रधानमन्त्री एवम् पार्टी अध्यक्ष पुष्पकमल दाहाल 'प्रचण्ड' र वरिष्ठ नेता मोहन वैद्य किरणले प्रस्तुत गर्नुभएको राजनीतिक प्रतिवेदनमाथि २१ वटा समूहमा छलफल भएको पार्टी प्रवक्ता एवम् सूचना तथा सञ्चारमन्त्री कृष्णबहादुर महराले जानकारी दिनुभयो ।समूहगत छलफलबाट आएका निचोडलाई टोली नेताले राष्ट्रिय भेलामा प्रस्तुत गर्ने कार्यक्रम रहेको मन्त्री महराले बताउनुभयो । दुइवटा प्रतिवेदन प्रस्तुत भएपछि आ­-आफ्नो विचार स्वतन्त्ररूपमा राख्नसकिने उल्लेख गर्दै उहाँले राष्ट्रिय भेलामा स्वच्छ ढङ्गले छलफल र बहस चलिरहेको बताउनुभयो ।सिङ्गो मुलुक र राजनीतिलाई दिशानिर्देश गर्न छलफल केन्द्रित भएको बताइएको भेलामा देशभरका एक हजार २ सयजना सहभागी रहेको जनाएको छ ।