अस्तव्यस्त बन्यो जनजीवन माओवादीको बन्दले

लिम्वूवान डट व्लगस्पोट डटकम,काठमाडौं
०९जनवरी,२०१०, पक्राउ परेका आफ्ना कार्यकर्ताहरुको तत्काल रिहाईको माग गर्दै एकीकृत माओवादीले आह्वान गरेको अनिश्चितकालीन बन्दले ताप्लेजुङ, पाँचथर र इलामको जनजीवन आज शनिबार अस्तव्यस्त बन्न पुगेको छ । प्राप्त समाचार अनुसार एक साता अगाडिदेखि अनिश्चितकालीन ताप्लेजुङ बन्द गराउँदै आएको एकीकृत माओवादीले शुक्रबारदेखि पाँचथर र इलाम पनि बन्द आह्वान गरेको हो ।
बन्द आह्वानका कारण ती जिल्लामा लामो तथा छोटो दूरीका सवारी साधन नचल्दा यात्रुहरु पैदल हिंड्न बाध्य भएका छन् । बन्दका कारण ती जिल्लामा उद्योग, कलकारखाना, शिक्षण संस्था, बजार पसल पनि ठप्प छन् ।