संसदमा सभासदहरुबीच हिलो छ्यापाछ्याप

लिम्वूवान डट व्लगस्पोट डटकम,काठमाडौं
१८ मे,२०१०,व्यवस्थापिका संसदमा विभिन्न राजनीतिक दलका सभासदहरुबीच निर्धारित समयमा नयाँ संविधान जारी नहुनुमा आरोप प्रत्यारोप अर्थात हिलो छ्यापाछ्याप भएको छ । निर्धारित समयमा संविधान नबन्नुमा एकले अर्को दललाई दोष थोपरिएको छ । नेपाली काँग्रेसका रमेश लेखकले नेपाली काँग्रेस लोकतान्त्रीक संविधान निर्माणको पक्षमा रहेको बताउनुभयो । उहाँले शान्ति प्रकृयासँग जोडिएका सम्पुर्ण पक्षहरुको सम्बोधन भएमात्र नयाँ संविधान बन्ने शुनिश्चत हुने बताउनुभयो ।
सभासद् लेखकले संविधानसभाको म्याद १४ गते अगाडी नै म्याद नथपे लोकतन्त्र समाप्त हुने बताउनुभयो । नेकपा माओवादीकी सभासद् पम्फा भुषालले तोकीकएको समयमा संविधान जारी नभए सरकार र सरकारमा सहभागी दलहरु दोषी रहेको पुष्टि भएको दावी गर्नुभयो । सभासद् भुषालले वर्तमान सत्ता गठबन्धन शान्ति र संविधान लेखन र सहमति सरकार गठनको लागि नै बाधक भएको टिप्प्णी गर्नुभयो । उहाँले सहमतिको प्रकृया नसच्याएसम्म समय थप गरेपनि संविधान नबन्ने बताउनुभयो ।
एमालेका विष्णुप्रसाद रिमालले प्रमुख प्रतिपक्षी दल एकीकृत माओवादीले संविधानसभा मार्फत संविधान नलेख्ने निर्णय गरेर नै सडकबाट संविधान जारी गर्ने चेतावनी दिएको दिएकेा टिप्प्णी गर्नुभयो । सभासद् रिमालले माओवादी लडाकुलाई सरकारले पालिरहने ठेक्का नलिएको भन्दै चाँडो सेना समायोजन गर्नुपर्ने धारणा राख्नुभयो ।
निलाम्बर आचार्यले संविधानसभा जिवन र मरणको दोसांधमा रहेपनि प्रमुख दलका शिर्ष नेताहरु संविधान निर्माणमा केन्द्रीत रहेर छलफल गर्न तयार नभएको बताउनुभयो ।