तत्काल सहमतिका लागि नागरिक समाजको दबाब

लिम्वूवान डट व्लगस्पोट डटकम,काठमाडौं
२७ मे,२०१०,नागरिक समाजका प्रतिनिधिहरुले प्रमुख राजनीतिक दलहरुलाई तत्काल राजनीतिक सहमति गरी संविधानसभाको समयावधि बढाउन माग गरेका छन् । प्रमुख तीन राजनीतिक दलले राष्ट्रिय सहमति जुटाउन नसकेकामा चिन्ता व्यक्त गरेका छन् ।संविधानसभाको समयावधि नथपिएर संविधान निर्माण हुन नसक्ने अवस्था सिर्जना भएमा राष्ट्र गम्भीर सङ्कटमा पर्ने भएकाले माओवादी, नेपाली कांग्रेस र एमालैले जनताप्रति जवाफदेहिता बहन गर्दै तत्काल राजनीतिक सहमति गरी संविधानसभाको समयावधि बढाउन उनीहरूले आग्रह गरेका छन् ।विज्ञप्ति जारी गर्नेमा दमननाथ ढुङ्गाना, पद्मरत्न तुलाधर, डा. मथुराप्रसाद श्रेष्ठ, नूतन थपलिया, प्रा. कपिल श्रेष्ठ, डा केदारनरसिंह केसीलगायत ५४ जना छन् ।