कान्छा आरोही बने अमेरिकाका जोर्डन

लिम्वूवान डट व्लगस्पोट डटकम,काठमाडौं

बेइजिङ, जेठ ८ - अमेरिकाका जोर्डन रोमेरो सगरमाथा चढ्ने सबै भन्दा कान्छा आरोही बनेका छन्। १३ वर्षीय रोमेरोले आज बिहान सगरमाथा शिखरमा पुगेर यसअघिका कान्छा आरोही नेपालका तेम्बाछिरी शेर्पाको रेकर्ड तोडेका हुन्। नेपालबाट कम उमेरकालाई सगरमाथा आरोहण निषेधित भएकाले उनले चिनियाँ भागबाट सगरमाथा चढेका थिए। सगरमाथा शिखरमा पुगेपछि स्याटेलाइट फोनबाट उनले आफ्नो आरोहण सफल भएको जानकारी दिएका थिए। नेपालका तेम्बाछिरी शेर्पाले १६ वर्षको उमेरमा सगरमाथा आरोहण गरेका थिए।