अमेरिकाले भिसा आवेदन दिने नयाँ तरिका अपनाउने

लिम्वूवान डट व्लगस्पोट डटकम,काठमाडौं

जेष्ठ ८ - अमेरिकाले यही जेठ १७ गतेदेखि विश्वभर गैरआप्रवासी भिसा आवेदन दिने नयाँ तरिका अपनाउने भएको छ । नेपालस्थित अमेरिकी दूतावासका कन्सुल क्ले के एड्लरका अनुसार आवेदन दिने नयाँ तरिका इन्टरनेटमा आधारित हुनेछ । आवेदनका लागि अमेरिकी दूतावासको वेबसाइटमा र्फम उपलब्ध छ । आवेदकले अनलाइनबाट र्फम भर्दा पैसा तिर्नु पर्दैन । तर अन्तर्वार्ताको समयमा प्रशासनिक खर्चका नाममा अमेरिकी विदेश मन्त्रालयले प्रतिआवेदक १ सय ३१ डलर शुल्क लिन्छ ।
दूतावासले तोकेको नबिल बैंकमा उक्त रकम बुझाउँदा बैंकले अन्तर्वार्ताको समयबारे जानकारी पनि दिन्छ । 'भइरहेको आवेदन प्रणालीमा केही सुधार गरी नयाँ तरिका अपनाइएको हो,' कन्सुलरले भने, 'यसबाट आवेदक र दूतावास दुवैलाई फाइदा छ ।'