प्रधानमन्त्री र माओवादी अध्यक्षको गोप्य भेटघाट

लिम्वूवान डट व्लगस्पोट डटकम,काठमाडौं
२६ मे,२०१०,प्रधानमन्त्री माधवकुमार नेपाल र एकीकृत माओवादीका अध्यक्ष प्रचण्डबीच आज भेटवार्ता भएको छ । संविधानसभाको म्याद थप गर्न सहमति जुटाउनका लागि प्रधानमन्त्री नेपाल र अध्यक्ष प्रचण्डबीच भेटवार्ता भएको हो । ललितपुरको बालकुमारीस्थित एमाले नेता कृष्णलाल महर्जनको घरमा भएको छलफलमा नेपाल र प्रचण्ड मात्र सहभागी रहेका थिए । छलफलपछि बाहिरिएका माओवादी अध्यक्ष प्रचण्डले सञ्चारकर्मीहरुलाई कुनै प्रतिक्रिया दिएनन् । प्रधानमन्त्रीका प्रेस सल्लाहकार बिष्णु रिजालले झण्डै एक घण्टा भएको वार्तामा आज बेलुका हुने तीन प्रमुख दलका नेताहरुको बैठकमा सहमति जुटाउने बिषयमा छलफल भएको थियो ।