माओवादीले हत्या गरेका १९ सय शहीद घोषणा गर्ने

लिम्वूवान डट व्लगस्पोट डटकम,काठमाडौं
२५ मे,२०१०,सरकारले सशस्त्र द्वन्द्वका क्रममा माओवादीले हत्या गरेका झण्डै एक हजार नौ सय सर्वसाधारणलाई शहीद घोषणा गर्ने सैद्धान्तिक निर्णय गरेको छ । मन्त्रिपरिषदको आज सिंहदरबारमा बसेको बैठकले माओवादीबाट हत्या गरिएका व्यक्तिलाई शहीद घोषणा गर्ने सैद्धान्तिक निर्णय गरेको थियो । माओवादीको सशस्त्र द्वन्द्वका क्रममा मारिएका माओवादीलाई मात्र यस अगाडिको सरकारले शहीदको सूचीमा राखेको थियो ।
माओवादीको सशस्त्र द्वन्द्व सुरु भएको २०५२ सालदेखि २०६३ साल मंसीर सम्म मारिएकालाई सहिद घोषणा गर्ने सैद्धान्तिक सहमति गरेको सरकारले त्यका बारेमा अन्तीम तयारी गर्न मन्त्रीस्तरीय समितिलाई दिएको छ ।त्यस्तै सरकारले मधेशमा मारिएका थप १६ जनालाई शहीद घोषणा गरेको छ ।