बन्द आह्वान कर्ताद्वारा सवारी साधनमाथि आगजनी

लिम्वूवान डट व्लगस्पोट डटकम,काठमाडौं

बहिर्गमनमा परेका पूर्व लडाकुहरुले आह्वान गरेको बन्दका कारण देशभरको जनजीवन प्रभावित बनेको छ । बन्दका कारण राजधानीमा सामान्य सवारी साधन चलेका छन् भने मकवानपुरसहित देशका विभिन्न स्थानमा बन्द आह्वान कर्ताले सवारी साधनमाथि आगजनी गर्नुका साथै तोडफोड गरेका छन् । पूर्व लडाकुहरुले आफूहरुको उचित व्यवस्थापन गर्नुपर्ने लगायतका माग राख्दै आज नेपाल बन्दको घोषणा गरेका हुन् । बन्द गराउने क्रममा पूर्व लडाकुले आज बिहान मकवानपुरमा युनिलिभर कम्पनीको स्टाफ बसमा आगजनी गरेका छन् । स्टाफ लिन जाने क्रममा ना ४ ख ४३७२ नम्बरको बसमा आगजनी भएको मकवानपुर प्रहरीले जनाएको छ ।