एभरेष्ट ताइ क्वान दो एकेडेमी हङकङको १९ औं अपग्रेडीङ सम्पन्न

लिम्वूवान डट व्लगस्पोट डटकम,काठमाडौं

सन् २०१२ जनवरी ०८ तारीख आइतवारको दिन हङकङस्थित मङकक फा युन स्पोर्ट सेन्टरमा एभरेष्ट ताइ क्वान दो एकेडेमीको १९ औं वेल्ट अपग्रेडीङ सफलताका साथ सम्पन्न भएको छ । उक्त अपग्रेडीङमा महिला तथा पुरुष सवै उमेरका ७० भन्दा बढी प्रशिक्षार्थीहरुलाई वाइट वेल्ट देखि ब्लाक वेल्ट सम्मको अपग्रेडीङ गराइएको थियो । सो अपग्रेडीङमा ४ जना प्रशिक्षार्थीहरुलाई ब्लाक वेल्ट र मिलन रार्इ,सुवित सम्वाहाम्फेलाई डानको प्रमाण समेत वितरण गरीएको थियो । त्यसैगरी एचकेएनटी पुरुष ताइ क्वान दो प्रतिस्पर्धा २०११ मा फष्ट रनरअप हुनु भएका रार्इ राहुललाई प्रमाण पत्र र हङकङ डलर १००० सहितले पुरस्कृत गरीएको थियो । कोरीया चुन्दो क्वानका ग्राण्डमाष्टर उ जोङ पील र एभरेष्ट ताइ क्वान दो एकेडेमीका प्रमुख इन्स्ट्रक्टर मास्टर रविन कुमार नाल्वोव्दारा अपग्रेडीङ सम्पन्न गराइएको थियो । टेष्ट फ्री किकिङ,पुम्से,डेमोस्ट्रेसन,फ्री फाइटीङ प्रशिक्षार्थीहरुद्वारा प्रदर्शन गरिएको थियो । एसिस्टेण्ट इन्स्ट्रक्टरको रुपमा मिलन रार्इ रहनु भएको थियो । एभरेष्ट ताइ क्वान दो एकेडेमी हङकङले हरेक ३,३ महिनामा वेल्ट अपग्रेडीङ र हरेक बर्ष आफ्नो बार्षिकोत्सव पनि सम्पन्न गर्दै आएको छ ।