लिम्वूवान डट व्लगस्पोट डटकम,काठमाडौं
नेकपा माओवादीले आज बसेको सातदलीय बैठकसमक्ष सरकार छोड्ने निर्णय गरेको छ भने भोलि औपचारिक रुपमा माओवादीका मन्त्रीहरुको संयुक्त राजीनामा प्रधानमन्त्री गिरिजाप्रसाद कोइरालासमक्ष पेश गरिने भएको छ। गत जुन १२ तारिखका दिन माओवादीका मन्त्रीहरुले आफ्नो पार्टीका अध्यक्ष प्रचण्डसमक्ष संयुक्त राजीनामा पत्र दिई सकेको भए पनि राजनीति गतिरोध अन्त्य हुने आशामा सो राजीनामा पत्र पेश गरिएको थिएन। तर, आज शुत्रवार साँझ सातदलीय बैठकमा दलहरुबीच सहमति हुन नसकेपछि माओवादीले सरकारबाट बाहिरिने निर्णय गरेको हो। माओवादीले नयाँ सरकार निर्माणमा वर्तमान प्रधानमन्त्री गिरिजाप्रसाद कोइरालाले राजीनामा दिई राजनीतिक वातावरण सहज बनाईला भन्ने आशा गरेका थिए तर, प्रधानमन्त्रीले राजीनामा दिन आनाकानी गरेपछि माओवादीले सरकारमा नबस्ने निर्णय गरेको हो।
No comments:
Post a Comment