ब्ल्याकमेलिङ गर्दै पटकपटक यौनशोषण

लिम्वूवान डट व्लगस्पोट डटकम,काठमाडौं
शिक्षकका नाममा कलंकित एक व्यक्तिले आफ्नै छात्रालाई धम्की दिई नांगो फोटो खिचेर ब्ल्याकमेलिङ गर्दै पटकपटक यौनशोषण गरेको खुलासा भएको छ ।प्राप्त समाचारअनुसार बाँकेको ढकेरीस्थित गणेश माविका नरपशु शिक्षक जीवछप्रसाद यादवले तीन वर्ष अघि ९ कक्षाकी १४ वर्षीय किशोरीसँग शारीरिक सम्बन्ध राख्नुका साथै किशोरीको नांगो फोटो खिचेका थिए । त्यसपछि नरपशु यादवले किशोरीलाई त्यहीँ नांगो फोटो र्सार्वजनिक गरिदिन्छु भन्दै तीन वर्षम्म यौनशोषण गरेको पीडित किशोरीले बताएकी छिन् ।
फोटो र नेगेटिभ दुवै दिन्छु भन्दै पटकपटक शिक्षकले यौनशोषण गरी मोबाइलबाट समेत फोटो खिची अब कसैसँग विवाह नगर्न र आफूले भनेको समयमा आई सर्म्पर्क राख्न धक्की दिएपछि अब अति भो भन्दै पीडित किशोरीले जिल्ला प्रहरी कार्यालयमा उजुरी दिएकी छिन् । उजुरीपश्चात् प्रहरीले नरपशु यादवलाई पक्राउ गरी हिरासतमा राखेको छ । हिरासतमा रहेका यादवले आफूले छात्रा किशोरीमाथि यौनशोषण गरेको स्वीकारेको प्रहरीले जनाएको छ