बोक्सीको आरोपमा युवतीलाई नांगै बजार परिक्रमा

लिम्वूवान डट व्लगस्पोट डटकम,काठमाडौं
बोक्सीको आरोपमा एक १८ वर्षीया युवतीलाई रसुवाको राम्चेका केही व्यक्तिहरूले निवस्त्र पारेर बजार परिक्रमा गराएका छन् । राम्चे-८ की सार्कीबुटी तामाङलाई गाउँकै पासाङनर्पु तामाङ, छेजु तामाङ्नी, रामकाजी तामाङ र मिङ्जेन तामाङले केही कुरा गर्नुछ भन्दै केही पर लगेर बोक्सीको आरोप लगाउँदै ३ लाख रुपैयाँ माग गरेका थिए । तर ती युवतीले उक्त रकम दिन नसक्ने बताएपछि उनीहरूले युवतीको कपडा जर्बजस्ती च्याति नांगै पारी एक किलोमिटरको राम्चे बजार घुमाएकी थिए । घटनापछि पीडित तामाङले प्रहरीमा उजुरी गरेपछि प्रहरीले घटनामा संलग्न रहेका छेजु तामाङ्नी र मेनन तामाङलाई पक्राउ गरे पनि अन्य दुइ अभियुक्त फरार रहेको बताएको बुझिएको छ ।