सौर्य ऊर्जाबाट चल्ने विमानले नयाँ विश्व रेकर्ड

लिम्वूवान डट व्लगस्पोट डटकम,काठमाडौं
सौर्य ऊर्जाबाट चल्ने चालकरहित एउटा विमानले लगातार दुई साता उडान भरेर नयाँ विश्व रेकर्ड कायम गरेको छ । जिफायर नामको विमानले अमेरिकाको एरिजोना सैन्य अड्डाबाट जुलाई ९ मा परीक्षणका रूपमा दुई सातासम्म उडान भरेको थियो । दुई साता आकाशमा उडान भरेपछि यो विमान बनाउने बेलायती कम्पनी क्राइनेटिकले फैसला गरेको छ कि उसको उद्देश्य पूरा भएको छ र २३ जुलाईमा विमानलाई जमिनमा उतारिएको छ । यो पूरा योजनालाई सफल बनाउने प्रोजेक्ट म्यानेजर जोन साल्टमार्सले भनेका छन्, 'हामी यो प्रदर्शनबाट निकै उत्साहित भएका छौँ । यो कैयौँ वर्षको मिहिनेतको प्रतिफल हो । यसमा कैयाँै वैज्ञानिक र इन्जिनियरले भाग लिएका छन् ।' जिफायरलाई ६० हजार फिट माथि उडाइएको थियो । सूर्यको कडा तेजका कारण यसको सिलिकन सौर्य प्यानलयुक्त लिथियम ब्याट्री चार्ज भयो र यसका दुवै प्रोपेलर चलिरहे । रातको समयमा यसको उचाइमा केही कमी आएको थियो । तर, यसको ब्याट्रीमा यति ऊर्जा थियो कि यो उडिरह्यो । तर, सर्त यो छ कि विश्व स्पोर्टस फेडेरसनका प्रतिनिध यसपटक सन्तुष्ट हुनु आवश्यक छ । फेडेरसनले सबै नियमको पालना गरे/नगरेको जाँच गरिने जनाएको छ ।