एमालेद्वारा चार महिनाभित्र लडाकु समायोजनको प्रस्ताव

लिम्वूवान डट व्लगस्पोट डटकम,काठमाडौं

भाद्र ५ - एमाले पोलिटव्यूरो बैठकले यथाशक्य सहमति गरी चार महिनाभित्र माओवादी सेनाको लडाकुको समायोजन तथा पुनस्थापना सक्ने गरी प्रस्ताव ल्याएको छ । महासचिव इश्वर पोखरेलले तयार पारेर प्रस्तुत गरेको उक्त सहमतिको प्रस्तावलाई शनिबार बसेको पोलिटब्यूरो बैठकले पारित गरेको छ । साथै एमालेले सहमतिका लागि प्रधानमन्त्री निर्वाचनमा तटस्थ बस्ने निर्णयलाई अनुमोदन गरेको हो । यसअघि भएको चार चरणको प्रधानमन्त्री निर्वाचनमा एमालेले राष्ट्रिय सहमतिको सरकार आवश्यक रहेको भन्दै तटस्थ बसेको थियो । भदौ ७ गते हुने पाँचौ चरणको निर्वाचनमा पनि तटस्थ बस्ने निर्णय गरेको हो । पोखरेलका अनुसार प्रस्तावमा शान्ति प्रकृयालाई टुङ्ग्याउनका सहमति कायम गर्ने, चार महिनाभित्र आवश्यक मापदण्ड तयार पारी माओवादी सेनाका लडाकुको समायोजन तथा पुनस्थापना सक्ने रहेको छ ।