फिजीमा तीन वर्ष देखि लागु सैनिक कानुन हटाइने

लिम्वूवान डट व्लगस्पोट डटकम,काठमाडौं

फिजीमा तीन वर्ष देखि लागु भइरहेको सैनिक कानुन हटाइने भएको छ । सन् २००६ मा सेना प्रमुख फ्र्यांक बाईनिमारामाले निर्वाचित नेता लाइसेनिआ क्वारेसलाई पदच्युत गरी सत्ता हत्याएका थिए । त्यसपछि सन् २००९ को अप्रिल यता फिजिमा सैनिक कानुन लागु गरिएको थियो । सेना प्रमुख बाईनिमारामाले नयाँ वर्षको अवसरमा बोल्दै आपातकालीन कानुन आउँदो साताबाट निश्प्रभावी बनाइने र नयाँ संविधानको विषयमा अर्को महिना देखी छलफल थालिने वताउनुभयो । उहाँले सन् २०१४ भित्र चुनाव गराउने प्रतिबद्धता पनि जनाउनु भयो । अदालतले बाइनिमारामाको “कु” अवैधानिक भएको फैसला गरेपछि फिजीमा सैनिक कानुन अनुसार सञ्चारमाध्यममा कडा सेन्सरसिप लगाइनुका साथै मानिसहरुलाई समुहमा जम्मा हुन पनि प्रतिबन्ध लगाइएको थियो । अष्ट्रेलिया लगायत फिजीका छिमेकी मुलुकहरुले फ्रैंक बाइनेमारामालाई तत्काल सत्ता छोड्न र लोकतन्त्र पूनवर्हाली गर्न माग गर्दै आएका थिए । यसैबीच फिजीका सेना प्रमुखको प्रतिबद्धतालाई अष्ट्रेलिया र न्यूजिल्याण्डले सावधानीपूर्वक स्वागत गरेको जनाएका छन् ।