राज्य पूनःसंरचना तथा लिम्बुवान स्वयत्तता राज्य" सम्बन्धि अन्तक्रिया कार्यक्रम सम्पन्न

लिम्वूवान डट व्लगस्पोट डटकम,काठमाडौं/रविन लिङदेन

हङकङ- १ जनवरी २०१२ मा जोर्डन स्थित याक एण्ड येती रेष्टुरेनको सभा हलमा लिम्बुवान राष्ट्रिय मुक्ति मोर्चा, प्रवास समिति हङकङको आयोजनामा “राज्य पूनःसंरचना तथा लिम्बुवान स्वयत्तता राज्य" सम्बन्धि अन्तक्रिया कार्यक्रम सम्पन्न भएको छ ।मोर्चाको अध्यक्ष एम. बी. थोप्राको अध्यक्षतामा सम्पन्न कार्यक्रममा नेपालबाट आउनु भएका अर्थराज्य मन्त्रि- हरिराज खेवा लिम्बुको प्रमुख अतिथि रहनु भएको थियो भने विशेष अतिथिमा क्रमशः ए-नेकपा -माओवादी) हङकङका पार्टीचिव क. जे. बी. ओख्राबु, लिम्बुवान राष्ट्रिय मुक्ति मोर्चा, नेपालका केन्द्रिय सचिवालय सदस्य तथा विदेश विभाग प्रमुख क. रमेश कुमार लिङदेन, लिरामुमो नेपालका सचिवालय सदस्य क. ङामुकहाङ मेन्याङबो तथा केन्द्रिय सदस्य क. थर्क नारायण लिम्बु तिगेला रहनु भएको थियो । त्यसरि नै मोर्चाको सह-इर्न्चाजमा हरि पन्धाक र ज्ञानु मेन्याङबो, मोर्चाका सल्लाहकारहरु, महावाणिज्यदूत विनोद कुमार उपाध्याय, मोर्चाको बुद्घजिीवि परिषद सदस्यहरु र अन्य बिभिन्न संघ संस्थाका अध्यक्ष तथा प्रतिनिधिहरु अतिथिको रुपमा रहनु भएको थियो । उक्त कार्यक्रम मोर्चाको सचिव रविन लिङदेनले सञ्चालन गर्नु भएको थियो ।

प्रमुख अतिथि अर्थराज्य मन्त्रि श्री हरिराज खेवा लिम्बुद्घारा दिप प्रज्वलन गरि समुदघाटन् गर्नु भएको थियो भने मोर्चाको उपाध्यक्ष चन्द्रराज सुब्बाले स्वागत मन्तब्य दिनु भएको थियो । उक्त अन्तक्रिया कार्यक्रममा अतिथि लिरामुमो नेपालका केन्द्रिय सदस्य क. ङामुकहाङ मेन्याङबो र लिरामुमो नेपालका केन्द्रिय सदस्य थर्क दिप तिगेला लिम्बु, किरात याक्थुङ चुम्लुङका अध्यक्ष कृष्णराज लावती, मोर्चाका सल्लाहकार भुपेन्द्र चेम्जोङ, बुद्घजिीवि परिषद सदस्य पवन वस्नेत, लिम्बुवान राष्ट्रिय मोर्चाको महाचिव अविचन्द्र इङनाम, महावाणिदूत विनोद कुमार उपाध्याय, किरात धर्म हङकङका अध्यक्ष मोहनमान नेम्बाङ, समाजसेवी भक्त बहादुर दुरा एवं विश्व सहित्य महासंघको महासचिव विश्वास दिप तिगेलाले सम्बोधन गर्नु भएको थियो ।

सो कार्यक्रममा प्रमुख अतिथि मन्त्रि खेवाले अहिलेको शान्ति प्रक्रियालाई निष्कर्षा पुर्याउने र संबिधान निर्माण कार्य प्रमुख रहेकोले अब बन्ने संबिधानमा पहिचान र सामर्थ्यको आधारमा १४ ओटा जातीय राज्यहरु निर्माण हुने निश्चित रहेको दावी गर्नु भयो । प्रवास हङकङबाटै भए पनि नेपाली दाजुभाईहरुले यस बिषयमा विभिन्न तवरबाट सहयोग पुर्याउनु पर्ने धारणा ब्यक्त गर्नु भयो भने बिशेष अतिथि रमेश कुमार लिङदेनले अबको संबिधानले सम्बोधन गर्ने भनेकै राज्यको पुनःसंरचना गर्दा अग्राधिकार, आत्मनिर्णयको अधिकार सहितको स्वायत्त राज्यहरु निर्माण गर्नु पर्ने, अग्राधिकारलाई लोकतान्त्रिक विधि अनुसार ब्याख्या गर्नु पर्ने यस कार्यको लागि लिम्बुवानवादीहरु एक हुनु पर्ने धारणा राख्नु भयो ।

मन्तब्य राख्ने क्रममा एनेकपा (माओवादी) पार्टीचिव क. जे. बी. ओख्राबुले हङकङबासी आम नेपालीहरु अब बन्ने संबिधानले बिभिन्न जातजाती, आदिवासी, पिछडिएका बर्ग समेतलाई सम्बोधन गर्ने गरि बनाईनु पर्छ भन्ने पार्टी धारणा रहेको तर्फजोड दिनु भयो । कार्यक्रमको समापन गर्दै अध्यक्ष एम.बि थोप्राले हङकङ प्रबासमा रहेर पनि हामी लिम्बुवानवासी लिम्बु तथा गैर लिम्बहरुले आत्मनिर्णय सहितको स्वायत्त लिम्बुवान राज्य हुन सक्यो भने मात्र लिम्बुवानबासीको हर क्षेत्रमा प्रगति र समृद्धि संभब छ । तर्सथ हामी सबैले त्यस तर्फसचेत हुन जरुरी छ भन्दै २०१२ सालको शुभकामना ब्यक्त गर्दै कार्यक्रम सम्पन्न गर्नु भएको थियो ।