जनताका गुनासा संकलनका लागि सरकार कक्ष सञ्चाल

लिम्वूवान डट व्लगस्पोट डटकम,काठमाडौं

जनताका गुनासा, प्रतिक्रिया तथा सुझाव संकलनका लागि स्थापना गरिएको हेला सरकार कक्ष सञ्चालनमा आएको छ । प्रधानमन्त्री तथा मन्त्री परिषद्को कार्यालयले यो कक्षा सञ्चालन गरेको हो । २४ औ घण्टा चल्ने यो सेवाका माध्यमद्वारा जनताले कुनै पनि घटनाको जानकारी दिन वा सहयोग माग्न सक्ने कार्यालयका सहायक प्रवक्ता ज्योतीप्रसाद अधिकारीले जानकारी दिए । यस कार्यालय अन्तर्गत स्थापना भएको सार्वजनिक प्रशासन पुन:संरचना एकाईले कार्य प्रारम्भ गरिसकेको पनि उनले जानकारी दिए । त्यस्तै, काठमाडौं महानगरपालिका तथा ललितपुर उपमहानगरपालिकाभित्रका र कलंकीदेखि नौबीसे खण्डको सडक निर्माण र मर्मत सम्बन्धमा जनगुनासो बढेको सम्बन्धमा नेपाल ट्रस्टका सचिव जयमुकुन्द खनालको संयोजकत्वमा गठित छानविन समितिले आफ्नो कार्य प्रारम्भ गरिसकेको उनले बताए ।