प्रमुख तीन दलका टाउके नेताहरु एउटै मञ्चमा

लिम्वूवान डट व्लगस्पोट डटकम,काठमाडौं
०३डिसेम्बर,२००९, प्रमुख तीन दलका शीर्ष नेता आज राजधानीमा आयोजित एक कार्यक्रममा एउटै मञ्चमा सहभागी भएका छन् । नेपाल एफएम नेटवर्कले आज आयोजना गरेको नागरिक संवाद कार्यक्रममा माओवादी अध्यक्ष प्रचण्ड, एमाले अध्यक्ष झलनाथ खनाल र नेपाली काँग्रेसका कावा सभापति सुशील कोइराला एउटै मञ्चमा देखिएका छन् । उक्त कार्यक्रममा बोल्दै शीर्ष नेताहरुले एकापसमा मिलेर अगाडि बढ्ने प्रतिवद्धता व्यक्त गरे । कार्यक्रममा नेताहरुले एक अर्कोलाई आरोप लगाउन पनि पछाडि परेनन् । कार्यक्रममा बोल्ने नागरिक समाजका अगुवाहरुले भने दलहरुलाई मिलेर अगाडि बढन सुझाव दिए । सहमति कायम गरेर निर्धारित समयमा संविधान निर्माण गर्न र शान्ति प्रक्रियालाई तार्किक निष्कर्षमा पुर्‍याउन उनीहरुले सुझाव दिएका थिए । कार्यक्रममा नागरिक समाजका अगुवाहरु दमननाथ ढुंगाना, डा. पूर्णकान्त अधिकारी, देवेन्द्रराज पाण्डे, पदमरत्न तुलाधर, श्याम श्रेष्ठ, बिष्णुहरि उप्रेती लगायतले राजनीतिक संयन्त्रमार्फ संयुक्त सरकार बन्नुपर्ने सुझाव पनि दिएका थिए ।