फ्रेन्च लेखकलाई निकृष्ट यौन चित्रण पुरस्कार

लिम्वूवान डट व्लगस्पोट डटकम,काठमाडौं
पेरिस/ लेखक जोनाथन लिट्टेलले आख्यानमा निकृष्ट सम्भोग चित्रण गरेबापत आफ्नो उपन्यास 'द काइन्ड्ली वन्' (दयालु व्यक्ति) मा १७औँ वाषिर्क 'ब्याड सेक्स इन फिक्सन पुरस्कार' जितेका छन् ।मौलिक रूपमा फ्रेन्च भाषामा प्रकाशित सो पुस्तकले २००६ मा गोनकोर्ट पुरस्कार जितेको थियो र युरोपमा १० लाखभन्दा बढी प्रति बिकेको थियो । साहित्य समीक्षाका निर्णयकर्ताले खराब सम्भोग पुरस्कार यस्तो अनुच्छेदका लागि प्रदान गरेका हुन्, जो यसरी सुरु भएको छ, 'गर्गनको टाउकोलेझैँ गरी सम्भोग मतिर हेरिरहेको थियो, मेरो जासुसी गरिरहेको थियो ।' लेखकका वारिसले यस पुरस्कारलाई स्वीकारेका छन् । तर, लेखकले प्रतिक्रिया दिन बाँकी नै छ । एक ठाउँमा लेखकले सम्भोगको सामनालाई 'हलुका किसिमले उमालिएको अन्डाभित्रबाट चम्चाले निकालेजस्तो गरी मेरो टाउको रित्याइदिने एकधक्का' का रूपमा चित्रित गरेका छन् । लिटरेरी रिभ्युले लिट्टेलको पुस्तकलाई 'उत्कृष्ट प्रतिभाको काम' भन्दै आफ्नो अनादरलाई लेखकले राम्रो हाँसोका रूपमा ग्रहण गर्ने आशा गरेका छन् । पुरस्कारका लागि छनोट गरिएकाहरूमा पाउल थोरो र संगीतकार निक केभ पनि थिए । गतवर्ष सो पुरस्कार रासल जोन्सनले 'सायर हेल'का लागि जितेका थिए । दिवंगत ख्यातिप्राप्त अमेरिकी उपन्यासकार जोन अप्डाइकले २००८ को एक समारोहमा आजीवन प्राप्त गरेको उपलब्धिका लागि पुरस्कार पाएका थिए ।