माओवादीले सिमाङ्कन पछि गणराज्यको घोषणा गर्ने

लिम्वूवान डट व्लगस्पोट डटकम,काठमाडौं

मंसिर १८ - माओवादीले गणराज्यको सिमाङ्कन वृहतरुपमा छलफल गरेर निर्धारण गर्ने निष्कर्ष निकालेको छ । बिहीबार पार्टी मुख्यालयमा बसेको स्थायी समिति बैठकले संघीय राज्य घोषणा गर्दा राष्ट्रियतालाई आधार मानेर त्यसैको आधारमा सिमाङ्कन गर्ने घोषणा गर्ने बताइएको छ । जातीय आधारमा संघीय राज्य हुनपर्ने भन्दै आएको माओवादीले बुधबार बसेको स्थायी समिति बैठकले अचानकरुपमा अडान परिवर्तन गरेको थियो । बैठकले जातीय आधारमा संघीयता घोषणा गर्दा साम्प्रदायिक द्वन्द्वको खतरा हुन सक्ने भन्दै यस्तो निष्कर्ष निकालेको थियो । अर्को बैठक शुक्रबार बस्ने छ ।