वेलायतले बनायो २३ करोड पर्ने फोन

लिम्वूवान डट व्लगस्पोट डटकम,काठमाडौं

मंसिर १७, एक बेलायती कम्पनीले संसारकै सबैभन्दा महँगो फोन तयार गरेको छ। सुनबाट बनेको यो फोनमा दुई सय हिरा जोडिएको छ। कम्पनीले यसको मूल्य २३ करोड ५० लाख रुपैयाँ रहने जनाएको छ। लिभरपुलको कम्पनी गोल्ड स्ट्राइक इन्टरनेसनलका लागि स्टुआर्ट हग्सले डिजाइन गरेको यो मोबाइलमा २२ क्यारेट सुन प्रयोग भएको छ। फोनको अघिल्लो भागमा १ सय ३६ हिरा जोडिएको छ। एप्पलको लोगो पनि हिराबाटै बनाइएको छ। आइफोन थ्रीजी सुप्रिम नाम राखिएको मोबाइल तयार पार्न ११ महिनाभन्दा बढी समय लागेको कम्पनीले जनाएको छ। अस्ट्रियाका एक व्यवसायीको माग अनुसार यो फोन निर्माण गरिएको बताइएको छ।