१३ बिद्यार्थी संगठनले शुल्कबृद्धि फिर्ता गर्नुपर्ने माग गर्दै धर्ना

लिम्वूवान डट व्लगस्पोट डटकम,काठमाडौं
०३डिसेम्बर,२००९, त्रिभुवन विश्वविद्यालयले दश गुणा शुल्कबृद्धिको विरोधमा आन्दोलनरत १३ बिद्यार्थी संगठनले आज बिहिबारदेखि शुल्कबृद्धि फिर्ता गर्नुपर्ने माग गर्दै त्रिवि उपकुलपतिको कार्यालयमा अनिश्चितकालीन धर्ना दिंदैछन् । शुल्कका बारेमा कुरा गर्न त्रिविविले बिद्यार्थी संगठनहरुलाई फेरि वार्तामा बोलाएको छ । बिद्यार्थीहरुको आन्दोलनका कारण शुल्कबृद्धि कार्यान्वयन गराउन नसक्ने आफ्ना आंगिक क्याम्पस प्रमुखहरुको भनाई आएपछि विश्वविद्यालय शुल्क घटाउने तयारीमा जुटेको छ । त्रिविका पदाधिकारीहरुले तीस प्रतिशतसम्म शुल्क घटाउन सकिने अभिव्यक्ति सार्वजनिक गरेका छन् । यस अगाडि बिद्यार्थी संगठनहरुले काँग्रेस, एकीकृत माओवादी र एमालेका नेताहरुलाई भेटेर ज्ञापनपत्र बुझाउँदै शुल्कबृद्धि फिर्ता नलिए त्रिविको यही मंसिर २६ गते हुने ३५ औं दीक्षान्त समारोह विथोल्ने चेतावनी दिएका थिए । बिद्यार्थी नेताहरुले नेताहरुसमक्ष त्रिविका उपकुलपति, रेक्टर र रजिष्टारलाई पनि बर्खास्त गर्न माग गरेका छन् ।