चासोक तङनामको उपलक्ष्यमा शुभकामना तथा चियापान कार्यक्रम सम्पन्न

लिम्वूवान डट व्लगस्पोट डटकम,काठमाडौं

राष्ट्रिय चाड चासोक् तङ्नाम् २०६६ को उपलक्ष्यमा संयुक्त लिम्बुवान मोर्चा, नेपालद्वारा ललितपुर चुम्लुङहिम, ललितपुरमा आयोजना गरिएको शुभकामना आदान-प्रदान एवम् चियापान समारोह लिम्बुवानी आन्दोलनको माहौलमा सम्पन्न भएको छ ।संयुक्त लिम्बुवान मोर्चा, नेपालको समन्वयकर्ता लिम्बू जातिको जातीय संगठन किरात याक्थुङ चुम्लुङका अध्यक्ष अर्जुन नुगो लिम्बूको अध्यक्षतामा भएको सो कार्यक्रमको अतिथिहरुमा एकीकृत नेकपा माओवादीका अध्यक्ष तथा पूर्व प्रधानमन्त्री पुष्पकमल दाहाल 'प्रचण्ड', संविधान सभाका अध्यक्ष सुवास नेम्बाङ, नेपाली कांग्रेसका दिलेन्द्रप्रसाद बडू, नेकपा एकीकृतका ऋषि कट्टेल, संघीय लोकतान्त्रिक राष्ट्रिय मञ्चका महासचिव खगेन्द्र माखिम र राष्ट्रिय जनमुक्ति पार्टी अध्यक्ष माथवरसिंह थापालगायतका नेता तथा सभासद्हरुसमेत हुनुहुन्थ्यो । समारोहका सभाध्यक्ष अर्जुन लिम्बूले कार्यक्रमा उपस्थित् अतिथि तथा सहभागीहरुलाई स्वागत गर्दै चासोक तङनामबारे अवगत गराउनु भएको थियो । आमन्त्रित सबै अतिथिहरुले देशको वर्तमान परिस्थिति र संविधान लेखन तथा लिम्बुवान बारे आ-आफ्ना धारणाहरु राख्नु भएको थियो । सो कार्यक्रममा लिम्बू जातिको मौलिकता झल्कने विभिन्न परिकारका खानपिनसहित अथितिहरुलाई सम्मान र सत्कार गरिएको थियो । चासोक तङ्नामको अवसरमा शुभकामना आदान-प्रदान गर्दै लिम्बू जाति र लिम्बुवान स्वायत्तताको सवाललाई बढावा दिने उद्देश्यका साथ आयोजना गरिएको सो कार्यक्रमको उद्घोषण संयुक्त लिम्बुवान मोर्चा, नेपालका श्री जबेगूद्वारा गरिएको थियो ।

आयोजकःसंयुक्त लिम्बुवान मोर्चा, नेपाल

१. लिम्बुवान मुक्ति मोर्चा

२. लिम्बुवान राष्ट्रिय मुक्ति मोर्चा (एकीकृत नेकपा माओवादी)

३. संघीय लिम्बुवान राज्य परिषद् (संघीय लोकतान्त्रिक राष्ट्रिय मञ्च)

४. नेपाल लोकतान्त्रिक किरात लिम्बू संघ (नेकपा एमाले)

५. नेपाल लिम्बुवान स्वशासित संघ (नेकपा एकीकृत)

६. लिम्बुवान प्रान्तीय परिषद् (राष्ट्रिय जनमुक्ति पार्टी

७. नेपला लिम्बू संघ (नेपाली कांग्रेस) किरात याक्थुङ चुम्लुङ