काँग्रेस र माओवादीबीच सहमति

लिम्वूवान डट व्लगस्पोट डटकम,काठमाडौं
२७ मार्च,२०१०,नेपाली काँग्रेस र एकीकृत माओवादीबीच तत्काल संविधान निर्माण र शान्ति प्रक्रियालाई केन्द्रीत बनाएर अगाडि बढ्ने सहमति भएको छ । आज बिहान बसेको दुई दलका शीर्ष नेताहरुको बैठकमा उक्त सहमति भएको हो । बैठकमा सरकार परिवर्तनसहित प्याकेजमा समाधान खोज्ने सहमति भएको समाचारस्रोतले जनाएको छ । बैठकपछि माओवादीका अध्यक्ष प्रचण्डले आजको बैठक सकारात्मक भएको बताउनुभयो । आजै माओवादी र एमालेबीच पनि छलफल हुँदैछ ।