एमालेलाई जातीय राज्य कुनै हालतमा मान्य नहुने

लिम्वूवान डट व्लगस्पोट डटकम,काठमाडौं

चैत ६,नेपाल कम्युनिस्ट पार्टी (एमाले) का अध्यक्ष झलनाथ खनालले जातीय राज्य कुनै पनि हालतमा मान्य नहुने बताउनुभएको छ । १०३ थरिका सिङ्गो जातिको एउटै जात 'नेपाली' भएको र 'नेपाल' नामको एउटै राज्य नेपालीलाई मान्य हुने उहाँले तर्क गर्नुभएको छ ।
अखिल नेपाल राष्ट्रिय स्वतन्त्र विद्यार्थी युनियनको नवौँ महिला भेलालाई शुक्रबार राजधानीमा उद्घाटन गर्दै अध्यक्ष खनालले उक्त कुरा बताउनुभएको हो । मानवजाति थुप्रै चरणलाई पार गर्दै आजको अवस्थामा आएकोले पुनः पहिलो चरणकै गणगोत्र (क्लान) को राज्यमा फर्किन नसकिने चर्चा गर्नुभयो । मानिस गणगोत्र, कविला (ट्राइव), जातीय (नेसनालिटी) हुँदै राष्ट्र (नेसन) मा पुगेकाले फेरि उल्टोबाटो हिँड्न नसकिने कुरामा उहाँले जोड दिनुभयो ।