पाठकका लागि तीन लाख रुपियाँको पुरस्कार घोषणा

लिम्वूवान डट व्लगस्पोट डटकम,काठमाडौं

समाजमा पुस्तक पढ्ने सभ्यताको विकास गराउने उद्देश्यले पाठकका लागि तीन लाख रुपियाँको पुरस्कार घोषणा गरिएको छ। चार वर्षअगाडिदेखि निजी श्रोत र साधनबाट सञ्चालित ‘द रिर्डस क्लब’ ले आइतबार पत्रकार सम्मेलनको आयोजना गरी सो जानकारी दिएको हो। जुनसुकै तहका पाठकले उत्कृष्टताका लागि आगामी सातादेखि र्फम भर्न सक्नेछन्। २०६७ चैत अन्तिममा विजेताको घोषणा गरिने जानकारी क्लबका अध्यक्ष अमोद डम्जन तामाङले दिए।विद्यालय तहमा कक्षा ६ देखि १० सम्म अध्ययनरतहरूबाट २, १७ देखि २९ वर्षसम्मका युवा-युवतीबाट २ र ३० वर्षभन्दा माथिका वयस्कहरूबाट २ जना गरी कुल ६ जनालाई अन्तिम चरणका लागि छानिनेछ। ६ जनाबाट उत्कृष्ट हुनेलाई ३ लाख रुपियाँसहित पुरस्कृत गरिनेछ। उत्कृष्टको छनौटमा पर्नका लागि पाठकले लिखित र मौखिक दुवै प्रकारको परीक्षामा सफल हुनुपर्ने बताइएको छ।