नवलपरासी जिल्लामा वर्डफ्लु भेटिएको पुष्टि

लिम्वूवान डट व्लगस्पोट डटकम,काठमाडौं

नवलपरासी, चैत ४- जिल्लाका विभिन्न गाउँ विकास समितिमा वर्डफ्लु भेटिएको पुष्टि भएको छ।मरेका हाँस, कुखुरा खोला र कुलोमा फालेका कारण रोग थप फैलन सक्ने आशङ्का गरिएको छ। केही दिनअघि नवलपरासी जिल्लाको देउराली, द्यौवादी र तमसरीया गाविसमा एकपछि अर्कोगरी हाँस तथा कुखुरा मर्न थालेपछि परीक्षणका लागि बेलायत पठाएको थियो। परीक्षणको प्रतिवेदनमा बर्डफ्लुको पुष्टि भएको हो।
देउरालीको झ्यालवास, गुहेरी, बेलुवा, डिही, रुम्सीलगायतका ठाँउमा धमाधम कुखुरा र हाँस मरेका छन् भने छिमेकी गाविस द्यौवादी तमसरीयामा पनि पंक्षी मर्ने क्रम जारी छ।प्रभावित क्षेत्रमा थप प्राविधिक टोली पठाउने नवलपरासीका प्रमुख जिल्ला अधिकारी बालकृष्ण पन्थीले जानकारी दिए।