शिक्षण अस्पताल अझै सुचारु भएन

लिम्वूवान डट व्लगस्पोट डटकम,काठमाडौं

विगत १३ दिनदेखि बन्द रहेको त्रिवि शिक्षण अस्पतालको नियमित सेवा अझै पनि सुचारु हुन सकेको छैन ।त्रिवि चिकित्सा शास्त्र अध्ययन संस्थानले फागुन २९ र चैत १ गते लिएको स्नाकोत्तर तहको (एमएस र एमडी) को परीक्षा रद्द गर्नुपर्ने मागसहित त्रिवि शिक्षण अस्पतालका चिकित्सक, विद्यार्थी र प्राध्यापकहरु आन्दोलनमा उत्रिएपछि अस्पतालको सेवा ठप्प भएको हो ।शिक्षण अस्पतालको आकस्मिक सेवा भने बिहीबारबाट सुचारु भएको छ। शिक्षण अस्पताल कर्मचारी संघ र स्थानीयबासीको पहलमा शिक्षण अस्पतालको आकस्मिक सेवा बिहीबारबाट आंशिक रुपमा संचालनमा आएको हो ।