सरकारविरुद्ध अविश्वासको प्रस्ताव ल्याउने कसरतमा माओवादी

लिम्वूवान डट व्लगस्पोट डटकम,काठमाडौं
१३ मार्च,२०१०,उच्चस्तरीय राजनीतिक संयन्त्रबाट पनि आफ्ना मागहरु पूरा हुने छाँटकाँट नदेखिएपछि एकीकृत माओवादीले सरकार फेर्ने नयाँ रणनीति तय गरेको छ । संसदको बिशेष अधिवेशन बोलाएर माधवकुमार नेपालको नेतृत्वमा रहेको वर्तमान सरकारविरुद्ध अविश्वास प्रस्ताव दर्ता गर्ने तयारीमा माओवादी जुटेको छ । यसबारेमा छलफल गर्न केही दिन अगाडिदेखि माओवादी नेताहरुको बैठक बसिरहेको छ ।मुलुकमा विद्यमान राजनीतिक तरलताको कारण देखाउँदै माओवादीले आफ्ना सभासदहरुलाई राजधानी बाहिर नजान समेत निर्देशन दिईसकेको माओवादीका एक नेताले बताए ।