सिडिओलाई कुट्ने राज्यमन्त्री बेगमलाई कार्वाहीको माग

लिम्वूवान डट व्लगस्पोट डटकम,काठमाडौं

१२ नोभेम्बर, २००९,पर्साका सिडिओलाई कुट्ने कृषि राज्य मन्त्री करिमा बेगमलाई कार्वाही गर्नु पर्ने माग बढिरहदाँ उनकै पार्टी फोरम लोकतान्त्रिकले बेगममाथि कुनै कार्वाहि नहुने स्पष्ट पारेको छ । सो पार्टीका नेता एवं भौतिक योजना तथा निर्माण राज्यमन्त्री संजयकुमार शाहले बेगममाथि कुनै कार्वाहि नहुने स्पष्ट पारेका हुन् । आज राजधानीमा आयोजित एक कार्यक्रममा बोल्दै शाहले भने बेगमलाई नत सरकारले कार्वाही गर्छ नत हाम्रो पार्टीले नै । यस बारेमा सरकार पनि मौन रहदैँ आएको छ । सरकारले भने फोरम लोकतान्त्रिकको आधिकारिक धारणा आएपछिमात्र निर्णय लिने बताएको छ । सिडिओ समाजका अध्यक्ष डिल्ली शिवाकोटीले राज्यमन्त्री करिमा बेगमलाई तत्काल पदबाट हटाउन माग गरेका छन् । उनले कानुको रक्षा गर्न बसेको मन्त्रीबाटै अवहेलना भएको भन्दै कारबाही गर्नुपर्ने बताए । नेपाल निजामती कर्मचारी संगठनका अध्यक्ष गणेश बस्यालले सिडिओ दुर्गाप्रसाद भण्डारीमाथि हातपात गर्ने राज्यमन्त्री करिमा बेगममाथि कानुन बमोजिम कारबाही हुनुपर्ने बताए । बेगमलाई पदमा रहने नैतिक अधिकार नरहेको बताउदै भनेुकर्मचारीलाई हातपात गर्ने मन्त्री चाहिदैन । उनले कार्वाहि नभए कडा आन्दोलन गर्ने चेतावनी समेत दिए ।