इरानद्वारा क्षेप्यास्त्र उत्पादन सुरु

लिम्वूवान डट व्लगस्पोट डटकम,काठमाडौं
तेहरान/ इरानले छोटो दूरीका क्षेप्यास्त्रहरू निर्माण गर्ने नयाँ हतियार कारखानालाई आइतबारदेखि सञ्चालनमा ल्याएको छ　। प्रतिरक्षामन्त्री अहमद वाहिदीका अनुसार उत्पादन सुरु गरिएको यो क्षेप्यास्त्रले तीन हजार टन भारयुक्त निशानालाई ध्वस्त गर्न सक्ने क्षमता राख्छ　। वाहिदीले भने- नासर १ क्षेप्यास्त्रलाई समुद्र तटबाट प्रहार गर्न सकिन्छ　। यसलाई पानीजहाजमा राखेर पनि प्रक्षेपण गर्न सकिन्छ　। भविष्यमा हेलिकोप्टर र सबमरिनबाट समेत प्रक्षेपण गर्न सकिने किसिमले यसको विकास गरिनेछ　। यो कारखाना राजधानी तेहरानमै राखिएको छ　। वाहिदीले गत महिना दुई क्षेप्यास्त्र निर्माण गर्ने प्लान्टहरूको उद्घाटन गरेका थिए　। क्वायमा नाम दिइएको क्षेप्यास्त्रलाई जमिनबाट आकाशमा मार हान्न प्रयोग गरिन्छ　। यसैगरी, तुफान- ५ नाम दिइएको अर्को क्षेप्यास्त्रले जमिनबाट जमिनमै मार हान्छ　। गत डिसेम्बरमा इरानले बढी गतिमा हुइँकिने मध्यमदूरीको क्षेप्यास्त्र परीक्षण गरेको थियो　। यस क्षेप्यास्त्रले इजरायललाई निशाना बनाउन सक्ने सामथ्र्य राख्छ भन्ने दाबी गरिएको थियो　।