बिग्रदो सुरक्षाको कारण प्रहरी प्रधानमन्त्रीको आरोप

लिम्वूवान डट व्लगस्पोट डटकम,काठमाडौं
०५ मार्च, २०१०,प्रधानमन्त्री माधवकुमार नेपालले बिग्रदो शान्तिसुरक्षाको कारण प्रहरी संगठन भएको आरोप लगाएका छन् ।'नेपाल फर्मा एक्स्पो- २०१०' को उद्घाटन कार्यक्रममा बोल्दै प्रधानमन्त्री नेपालले प्रहरी सङ्गठनभित्रको समस्या नै हालको शान्तिसुरक्षाको कारक रहेको टिप्पणी गरे । उनले शान्तिसुरक्षाप्रति प्रश्न उठिरहेको बेला नेपाल प्रहरी सङ्गठनमा अझ बढी जाँगरको आवश्यकता रहेकोमा त्यो हुन सकेको छैन् । नेपालका प्रहरी स्वदेश र विदेशमा समेत ख्याति कमाउने दक्ष प्रहरीको कोटीमा परेपनि त्यही दक्षता मुलुकको शान्ति सुरक्षा कायम गर्न कन्जुस्याई गर्न नहुने उनको भनाइ थियो । 'कुनै पनि आपराधिक घटना भएका ठाउँमा दक्ष प्रहरी अधिकृत खटाउँदा अपराधिहरु भागभाग भएका र असक्षम प्रहरी अधिकारी त्यहाँ पुग्दा तिनै अपराधीहरुसँग उठबस गर्ने गरेका पाइएको छ' प्रधानमन्त्रीले भने । उनले दक्षलाई पुरस्कृत र असक्षमलाई दण्डित गर्ने गरी आफ्नो कार्यसम्पादनलाई चुस्त बनाउन नेपाल प्रहरीको नेतृत्वलाई निर्देशन समेत दिए ।