गोरखामा वैद्य पक्षधर कार्यकर्ता पक्राउ

लिम्वूवान डट व्लगस्पोट डटकम,काठमाडौं

माओवादी सेनालाई नेपाली सेना मातहतमा बुझाएको विरोधमा आज एक घण्टा चक्काजाम गर्न निस्किएका गोरखाका एकीकृत माओवादी उपाध्यक्ष मोहन वैद्य पक्षधर कार्यकर्तालाई प्रहरीले पक्राउ गरेको छ । गोरखा सदरमुकामको हरमटारी चोकमा निस्किएको करिब २० मिनेटको अवधिमा वैद्य पक्षधर कार्यकर्ता पक्राउ परेका हुन् । दुई पटक गरी १६ जना कार्यकर्ता पक्राउमा परेको प्रहरी नायब उपरिक्षक बसन्त बहादुर कुँवरले बताए । केन्द्रिय सुरक्षा समितिको निर्देशन लागु गर्ने क्रममा बन्द गराउने खोज्ने कार्यकर्ता पक्राउ गरिएको कुँवरले बताए । गिरफ्तार गर्ने क्रममा प्रहरीले केही कार्यकर्तामाथि लाठी चार्ज समेत गरेको थियो । पक्राउ पर्ने कार्यकर्ताहरु प्रहरी कार्यलयभित्र पनि नाराबाजी गरिरहेको बताइएको छ ।