हलिउड अभिनेत्री जोना लुम्ले नेपालमा

लिम्वूवान डट व्लगस्पोट डटकम,काठमाडौं

हलिउड अभिनेत्री जोना लुम्ले तीन वर्षपछि सोमबार फेरि नेपाल आएकी छन्। ब्रिटिस गोर्खाको गोर्खा वेलफेयर ट्रस्टले पश्चिम नेपालमा निर्माण गरेको विद्यालय उद्घाटन गर्न लुम्ले नेपाल आएकी हुन्। ब्रिटिस राजदूतावासका अनुसार ६५ वर्षीया एब्सोलिउटली फेबुलस टेलिभिजन शो चलाउने यी स्टारले बेलायतमा रहेका गोर्खा सैनिक र उनीहरुको परिवारलाई त्यही स्थायी रुपमा बस्ने व्यवस्था गर्न थालिएको अभियानमा समर्थन गर्दै अग्रपंक्तिमा सहभागिता जनाएकी थिइन्। गोर्खा सैनिकको पक्षमा स्थानीय अदालतले फैसला गरेपछि त्यसको विजयोत्सव मनाउन लुम्ले सन् २००९ मा नेपाल आएकी थिइन्।