यौनजन्य दुव्यबहार विधेयकमाथिको छलफल सुरु

लिम्वूवान डट व्लगस्पोट डटकम,काठमाडौं

कार्यस्थलमा हुने यौनजन्य दुव्र्यवहार निवारण विधेयकमाथि व्यवस्थापिका संसदको विधायन समितिमा मंगलबारदेखी छलफल सुरु भएको छ । महिलाहरुमाथि हुने यौनजन्य हिंसा निवारणका लागि भन्दै सरकारले गत २०६६ सालमा ल्याएको विधेयकमाथि तीन वर्षपछि छलफल सुरु भएको हो । विधेकयमा सरकारी कार्यालय, व्यापारिक प्रतिष्ठान, संघसंस्थालगायतका स्थानमा महिलालाई दुव्र्यवहार वा गलत आशयले हेरेमा उजुरी लाग्ने व्यवस्था प्रस्ताव गरिएको छ । सभासदहरुले भने विधेयकका कतिपय प्रावधान अष्पष्ट भएका कारण संशोधन गर्नुपर्ने बताएका छन् । विधेयकमाथि सैद्धान्तिक छलफलमा महिला बालबालिका मन्त्री दानबहादुर चौधरीले विधेयक पारित भएमा क्याबिन, डान्सबारलगायतका स्थानमा महिलामाथि भइरहेका हिंसा रोकिने दावी गरेका छन् । सभासदहरुले विधेयक पारित भएमा महिलामाथी भइरहेका यौनजन्य हिंसा रोकिने विश्वास गरेका छन् । नेकपा एमालेका उषाकला राइले विधेयकलाई फराकिलो दायराबाट पारित गर्नुपर्ने बताईन् । त्यस्तै एकीकृत माओवादीका साबित्रा गुरुङ दुराले विधेयक कार्यस्थल भन्दा पनि जुनसुकै स्थानमा हुने दुव्र्यवहार रोक्नेगरी आउनुपर्ने बताएकी छन् ।