राज्य पुनर्संरचना र शासकीय स्वरुपमा सहमति भएन

लिम्वूवान डट व्लगस्पोट डटकम,काठमाडौं 

 आज सिंहदरबारमा बसेको शीर्ष दलहरुको बैठक सकिएको छ । बैठकले संविधानका विवादित तीन वटा विषयमा सहमति जुटाएको छ । न्यायप्रणाली, नागरिकता र निर्वाचन प्रणलीबारे करिब करिब सहमति भएको जानकारी बैठकबाट बाहिरिएर कांग्रेस केन्द्रीय सदस्य रामशरण महतले जानकारी दिए । आइतबार दलहरुबीच संवैधानिक अदालत पाँच वर्षको हुने सहमति भएको थियो । आज बसेको बैठकले अदालतको अध्यक्ष प्रधानन्यायाधीस हुने, संवैधानिक अदालतले प्रदेश र स्थानीय निकाय, प्रदेश–प्रदेश, प्रदेश र केन्द्रबीचको विवादलाइ हेर्ने सहमति भएको छ । नागरिकताको सम्बन्धमा भने दलहरुबीच अहिलेकै अवस्थामा नागरिकता वितरण गर्ने र पछि कानुन बनाएर त्यसलाई लागु गर्ने सहमति भएको महतले जानकारी दिए । निर्वाचन प्रणाली भने मिश्रित हुने सहमति भएको छ । एमाले नेता प्रदीप ज्ञवालीका अनुसार निर्वाचन प्रणलीबाहेक अरु दुई विषयमा औपचारिक रुपमै सहमति भएको हो । राज्य पुनर्संरचना र शासकीय स्वरुपमा भने तत्कालै सहमति हुन नसक्ने सम्भावना रहेको महतले बताए ।