चुम्लुङहिम ललितपुरमा लिम्बुवानको विशेष बैठक

लिम्वूवान डट व्लगस्पोट डटकम,काठमाडौं 

 लिम्बुवान संघर्ष समितिको बैठक आज ललितपुरमा बसिरहेको छ । संघीयता कार्यान्वयनका लिम्बुवान संघर्ष समितिले प्रधानमन्त्रीलगायत निर्णायक दलका प्रमुख नेताहरुलाई लिम्बुवान सुनिश्चितताका लागि ज्ञापनपत्र दिएपछि थप निर्णायक आन्दोलनको तय गर्न आज चुम्लुङहिम ललितपुरमा लिम्बुवान संघर्ष समितिको विशेष बैठक सुरुभएको छ |लिम्बुवान संघर्ष समितिका पदाधिकारीहरू संयोजक बिजय सुब्बा, सहसंयोजक, सचिवहरू नन्द कन्दङवा, खगेन्द्र माखिम, प्रवीण नेम्बाङ तथा सचिवालय सदस्यहरू, केन्द्रीय कार्य समिति सदस्यहरू, सबै राजनीतिक दलका नेतृत्व, सभासद, स्वतन्त्र बुद्धिजीबी र किरात याक्थुङ चुम्लुङका केन्द्रीय पदाधिकारीहरुको समुपस्थितिमा यो बैठक भइरहेको छ |बैठकमा, लिम्बुवान संघर्ष समितिको अवधारणा प्रस्तुती, छलफल र लिम्बुवान संघर्ष समितिले अब लिनुपर्ने रणनीति तथा आन्दोलनको खाका तय गर्ने कार्यक्रम रहेको छ | यस संघर्ष समितिले लिम्बुवानभर आमसभा, राँके जुलुस गर्दै लिम्बुवानको लागि दवाब दिने र लिम्बुवाबिनाको संबिधान ल्याउने षडयन्त्र भए अनिश्चित आमहड्ताल गरी लिम्बुवानको आफनै संबिधान जारी गरेर राज्य संचालन गर्नेसम्मको आन्दोलन तय हुनेछ | यो बैठकमा माननीय अर्थ राज्य मन्त्रि हरिराज खेवा, पूर्व मन्त्रि पूर्णकुमार शेर्माले आफ्नो बुझाई र रणनीतिक धारणाहरु राख्नुभयो | त्यसपछि सभासद्हरू मा. पाशाङ शेर्पा, मा. पदमलाल विश्वकर्मा, मा. डम्बर सम्बाहाङफे, मा. ध्रुव आङदेम्बे, मा. विश्वदीप लिङदेन, मा. लीला सुब्बा, मा. तुलसी सुब्बा, मा. डम्बरधोज तुम्बाहाङफे र मा. सीता गुरुङले आफ्नो बुझाई र सुझाबहरू राख्नेक्रम चलिरहेको छ |