१४ प्रदेशको माग राख्दै जनजाति महासंघद्वारा आन्दोलनको घोषणा

लिम्वूवान डट व्लगस्पोट डटकम,काठमाडौं

नेपाल आदिवासी जनजाति महासंघले १४ प्रदेश सहितको राज्य पुनसंरचना हुनुपर्ने लगायतका माग राख्दै आन्दोलनको घोषणा गरेको छ । महासंघले आज एक प्रेस विज्ञप्ति जारी गर्दै जातिय पहिचान विनाको सात प्रदेशमा शीर्ष नेताका बिचमा सहमति भएको भन्दै विरोधको घोषणा गरेको हो । महासंघले जारी गरेको विज्ञप्तिमा जातीय पहिचानसहितको राज्य पुर्नसंरचना हुनुपर्ने, संविधानसभाको राज्य पुनर्संरचना तथा राज्य शक्तिको बाँडफाँड समितिले बनाएको प्रतिबेदन अनुरुप १४ प्रदेश हुनुपर्ने लगायत विभिन्न माग राख्दै आन्दोलनको घोषणा गरेको छ । महासंघले जनजातिको पहिचानसहितको आधारमा प्रदेश निर्धारण गर्नुपर्नेमा जोड दिएको छ । विज्ञप्तिमा महासंघले विभिन्न आन्दोलनका घोषणा गरेको छ । जसमा विभिन्न शीर्ष दलका नेतालाई ज्ञापनपत्र बुझाउने देखि मसाल जुलुस प्रदर्शन गर्नेसम्म रहेका छन् ।